Техника ғылымдарының кандидаты, профессор. 1948 жылы 31 шілдеде Семейде дүниеге келген. 1971 жылы Ленин атындағы Қазақ политехникалық институтын бітірген. Әр жылдары Алматы энергетика институтының кәсіподақ комитетінің төрағасы, Қазақстан Республикасы Министрлер кабинеті басқармасының НТП бөлімінің сектор меңгерушісі қызметтерін атқарған, сондай-ақ Қазақстан Республикасы Президентінің жанындағы Ғылым мен техника жөніндегі Жоғарғы кеңестің аппаратын басқарған. 1997 жылдың сәуірінен бастап Алматы энергетика және байланыс институтының ректоры қызметін атқарған. "Ерен еңбегі үшін", "Қазақстан Республикасының тәуелсіздігіне 10 жыл" медальдарымен марапатталған. 50-ден астам ғылыми еңбектердің авторы, бес авторлық куәлігі мен патенті бар.