Қос дипломды бағдарлама аясында Energo University (Ғұмарбек Дәукеев атындағы Алматы энергетика және байланыс университеті) базасында Германиядағы қолданбалы ғылымдар саласындағы үздік бес университеттің бірі болып табылатын Анхальт қолданбалы ғылымдар университетінің (Hochschule Anhalt) филиалына студенттер қабылдануда. Алғашқы 20 үміткерге айтарлықтай жеңілдіктер қарастырылған.
Energo University-ге түскен талапкерлер бірден қос дипломды – мемлекеттік және еуропалық үлгідегі дипломды алуға мүмкіндікті алады, бұл осы жылдың маусым айында Германияда екі ел университеттерінің басшылары арасында тиісті келісімге қол қойылғаннан кейін мүмкін болды.
Филиалға қабылдау Қазақстан азаматтарына да, шетелдік студенттерге де қолжетімді. Оқу толығымен ағылшын тілінде «Жүйелік инженерия» және «Биотехникалық және медициналық жүйелер мен аппараттар» бакалавриат бағдарламалары және «Энергетикалық саясат және халықаралық сауда» магистратура бағдарламалары бойынша жүргізіледі. Анхальт қолданбалы ғылымдар университетінің филиалына қабылданған алғашқы 20 үміткерге бірінші оқу жылына 1 750 000 теңге көлемінде жеңілдік беріледі.
Оқу бағалары және қабылдау шарттары туралы толық ақпаратты төменде көрсетілген сілтеме арқылы білуге болады:
біздің сайтымыздың тиісті бөлімінде: https://aues.edu.kz/kz/pages/index?id=1811
қабылдау комиссиясы: +7 (700) 600 64 82
+7 (707) 600 64 93
Сілтемені көшіру
