Energo University-де энергетика саласындағы кәсіпқой мамандардың студенттермен нетворкинг-кездесуі өтті. Energy Vibes іс - шарасын университеттің серіктесі-Supros өнеркәсіптік жылу оқшаулау жөніндегі инжинирингтік компания ұйымдастырды.
Сала ардагерлері - ҚР энергетик-ардагерлер кеңесінің төрағасы Советхан Сейітқалиұлы Нұрпейісов және ҚР және ТМД еңбек сіңірген энергетигі Александр Степанович Трофимов энергетикалық мамандықтар студенттерінің алдында Қазақстанның энергетикасын дамыту перспективалары туралы, атом энергетикасының осындағы рөлі туралы баяндама жасады.
Жылуды оқшаулайтын материалдарды өндірумен айналысатын компаниялардың өкілдері - Константин Бороздин (Rockwool) және Алексей Панарин (Saint-Gobain) энергиялық тиімділік, энергияны үнемдеу және осы бағытта пайда болатын жаңа технологиялар тақырыбында сөйледі.
Energy Analytics негізін салушы, мұнай-газ талдаушысы Абзал Нарымбетов Қазақстанның мұнай-газ және энергетика салаларының болашағы туралы баяндама жасады. Newtech Sistems Group компаниясының директоры Аяулым Канатова өндірістегі жұмыс тәжірибесі стратегиялық басшылыққа қалай көмектесетіні туралы айтып берді. Bolashak Group Алматы филиалының директоры Светлана Жалковская студенттермен жұмыс іздеу және түйіндеме жасау бойынша лайфхактармен бөлісті.
Іс-шараны ұйымдастырушы, Supros компаниясының стратегиялық даму жөніндегі директоры, Energo University-дің түлегі Санат Актананов атап өткендей, кәсіпқой мамандармен кездесудің басты мақсаты студенттерге болашақта олардың мүмкіндіктерін, мамандықтарының маңыздылығын және өздерінің кәсіби дағдыларын қолданудың кең ауқымын көрсету болып табылады.
Ғылыми қызмет
Студенттік өмір
Сілтемені көшіру
