Energо University Сеул технологиялық медиа институтының (SMIT) делегациясын қабылдады.
Шетелдік әріптестер біздің университетке ынтымақтастық мақсатында келді.
Кездесу барысында IT, киберқауіпсіздік салаларындағы ынтымақтастық, студенттер мен профессор-оқытушылар құрамымен алмасу, ғылыми қызмет түрлері, ал келешекте – екі дипломдық білім беруді енгізу мәселелері талқыланды. Сондай-ақ, кездесуде SMIT өкілдеріне медиа бойынша стартаптардың жұмыс тәжірибесі айтылып, осы бағыт бойынша ынтымақтастық түрі ұсынылды.
Кездесу қорытындысы бойынша екі жоғары оқу орнының ынтымақтастығы туралы меморандумға қол қойылды.
Анықтама: Seoul Media Institute of Technology (SMIT) — 2009 жылы құрылған Оңтүстік Кореяның Сеул қаласындағы білім беру мекемесі. Институт сандық медиа, теледидар, интернет технологиялары, IT және киберқауіпсіздікті қоса алғанда, медиа технологиялар саласындағы білім беру бағдарламаларына маманданған.
Халықаралық ынтымақтастық
Сілтемені көшіру
