Қазақстандағы Германияның Елшілігінің істерде уақытша сенім жүктелген өкілі Ульрих Кинне Energo University-ге және оның алаңында ашылған Анхальт қолданбалы ғылымдар университетінің «Қазақстандағы Анхальт халықаралық университеті» филиалына жоғары инженерлік білім беруді дамыту саласындағы неміс-қазақстандық ынтымақтастықты талқылау мақсатында барды.
Кездесуге Қазақстандағы Анхальт халықаралық университеті филиалының директоры Эдуард Сименс, Energo University-дің академиялық қызмет жөніндегі проректоры Айбек Жупанхан, институт директорлары және халықаралық ынтымақтастық департаменті қатысты.
Германия Елшілігінің істерде уақытша сенім жүктелген өкіліне Алматыда неміс бағдарламалары бойынша оқуды бастау үшін барлық қажетті жағдайларды жасау бойынша екі жоғары оқу орнының бірлескен жұмысының нәтижелері ұсынылды.
Естеріңізге сала кетейік, Анхальт қолданбалы ғылымдар университетінің Energo University-де «Қазақстандағы Анхальт халықаралық университеті» филиалы ағымдағы жылдың қыркүйегінде ашылды. Қазір мұнда болашақ оқу жылына талапкерлерді қабылдауға дайындық жұмыстары жүргізілуде, оның ішінде профессор-оқытушылар құрамы үшін қажетті тағылымдамалар және оқу және зертханалық базаны арттыру. Энергетика, инжиниринг, ақпараттық технологиялар және автоматтандыру саласындағы мамандықтар бойынша оқыту неміс және қазақстандық оқытушылармен бірлесіп ағылшын тілінде жүргізілетін болады. Түлектер бірден екі толыққанды диплом ала алады – қазақстандық және еуропалық, бұл олардың жаһандық бәсекеге қабілеттілігін арттыруға мүмкіндік береді.
Халықаралық ынтымақтастық
Сілтемені көшіру
