Energo University-дің делегациясы (Ғұмарбек Дәукеев атындағы Алматы энергетика және байланыс университеті) ректор Ғани Нығыметов бастаған Шанхай Ынтымақтастық Ұйымы университеттерінің 7-ші энергетикалық конференциясына қатысып жатыр, ол Бейжіңде Солтүстік Қытай электр энергетикалық университетінің - Қытайда мамандандырылған энергетиканың түрлі салалары үшін кадрлар даярлаумен айналысатын жоғары оқу орнының алаңында өтіп жатыр.
Конференция аясында Energo University-дің «Жылу энергетика» кафедрасының меңгерушісі, PhD Максим Коробков «Көміртекті бейтараптық жағдайындағы Қазақстанның энергетикалық секторы» тақырыбында өз баяндамасын ұсынды. Сондай-ақ, біздің ЖОО-ның делегациясы жетекші әлемдік технологиялық корпорациялардың ірі ҒЗТҚЖ орталықтары орналасқан Чжунгуаньцунь Дуншэн ғылыми паркіне барды.
Сонымен қатар, «Электрмен жабдықтау және жаңартылатын энергия көздері» кафедрасының меңгерушісі Қажыбек Тергемес, «Электр энергетика» кафедрасының меңгерушісі Ернар Амитов және профессор Ертуган Умбеткулов жоғары техникалық білім беру саласындағы озық тәжірибені зерделеу мақсатында Қытайдың ТОП-20 ЖОО-на кіретін Tianjin Vocational Institute (Тяньцзинь университеті) барды.
Халықаралық ынтымақтастық
Сілтемені көшіру
