Energo University (Ғұмарбек Дәукеев атындағы Алматы энергетика және байланыс университеті) Бейжіңдегі Солтүстік Қытай электр энергетикалық университетінің базасында жұмыс істейтін «қос көміртек» стратегиясы жөніндегі болашақ ғылыми-талдау орталығының қатысушысы болды.
Бұл туралы уағдаластыққа ШЫҰ университеттерінің 7-ші энергетикалық конференциясы барысында қол жеткізілді. Energo University ШЫҰ университеттерінің «қос көміртегі» стратегиясы туралы келісімге қосылды.
- Біз көміртекті бейтараптыққа қол жеткізу тетіктерін әзірлеуге арналған бірлескен талдамалық орталығының жұмысына белсенді қатысамыз және қолдаймыз, - деп атап өтті Energo University-дің ректоры Ғани Нығыметов. - Біз үшін Қазақстанның жетекші энергетикалық университеті ретінде «қос көміртектің» ұлттық мақсатын қойған Қытайдың тәжірибесі-2030 жылға қарай көміртегі шығарындыларының шыңына жету және 2060 жылға қарай көміртегі бейтараптығына қол жеткізу қызықты.
Осы мақсаттарға жету үшін Қытай бүгінде жаңартылатын энергия көздерін (күн, жел және су энергиясы) белсенді дамытуда, энергия тиімділік технологияларын енгізуде және энергетика секторын реформалауда.
Осы бағыттарды дамыту мақсатында Қазақстанда академиялық алмасу, бірлескен білім беру және ғылыми бағдарламаларды әзірлеу арқылы Energo University-дің басшылығымен Солтүстік Қытай электр энергетикалық университетімен ынтымақтастық туралы меморандумға қол қойылды.
Халықаралық ынтымақтастық
Сілтемені көшіру
