UI GreenMetric World University Rankings рейтингтік агенттігі UI GreenMetric-2024 университеттерінің халықаралық рейтингінің нәтижелерін жариялады. Energo University тұрақты даму мақсаттарына барынша берілген қазақстандық топ-5 университеттің қатарына енді.
Біздің университет 2024 жылы тұрақты даму мақсаттарына қол жеткізуге бағытталған ғаламшардың университеттерін анықтайтын UI GreenMetric әлемдік рейтингіне қатысты. UI GreenMetric World University Rankings халықаралық рейтингтік агенттігінің нәтижелеріне сәйкес Energo University әлемнің 1477 жоғары оқу орнынан 517-орынға ие болды. Рейтингке қатысқан 28 қазақстандық жоғары оқу орындарының ішінде Energy University 5 орынға ие болды.
Университеттің тұрақты даму мақсаттарына деген ұмтылысын бағалау кезінде сарапшылар кампустың жаңартылатын энергия көздерін пайдалануы, су ресурстарын үнемдеу, жасыл желек екпе ағаштарының болуы және қалдықтармен жұмыс істеудің экологиялық бағдарламасы, тұрақты даму саласындағы белсенді білім беру және зерттеу қызметі сияқты параметрлерді ескерген.
2025 жылы Energo University осы рейтингке қатысуды жалғастыруды және өз көрсеткіштерін жақсартуды жоспарлап отыр.
Анықтама:
GreenMetric UI рейтингі академиялық қоғамның назарын қазіргі қоғамның экологиялық мәселелерін шешу үшін қоршаған ортаны тұрақты дамыту саясатын жүргізу қажеттілігіне көңіл аударуға бағытталған.
Рейтингтің мақсаты-жоғары оқу орындарында "жасыл" технологиялар мен экологиялық саясаттың ағымдағы дамуының нақты көрінісін ұсыну.
Хабарландырулар мен хабарландырулар
Сілтемені көшіру
